Mucha & Hoben
‘Panda… No ta mishi’ ta un actividad caminda por medio di ‘story telling’ muchanan entre 2-6 aña ta wordo siña pa no tene secreto, pa pidi y duna consentimiento y ta siña kico ta su reglanan di seguridad.
Kico e mucha lo siña:
-E nomber corecto di su partinan intimo
-Kico ta ‘mishimento inapropia’
-E diferencia entre secreto bon & secreto malo y reconoce emocionnan
-Ken ta su persona di confianza
-Con e por pidi y duna consentimiento
Duracion: 30-45 minuut
Disponibilidad: henter aña
‘Mi curpa ta di mi so!’ ta un presentacion pa muchanan di 6-9 aña tocante nan reglanan di seguridad
Kico e mucha lo siña:
-E nomber corecto di su partinan intimo
-Kico ta ‘mishimento inapropia’
-E diferencia entre secreto bon & secreto malo y reconoce emocionnan
-Ken ta su persona di confianza
-Con e por pidi y duna consentimiento
-E maneranan cu e por cuminda hende/ con pa pone limite
Duracion: 30-45 minuut
Disponibilidad: henter aña
‘Kico ta abuso di mucha?’ ta un presentacion pa hobennan di 12 aña bay ariba. Durante e presentacion nan ta haya informacion tocante e diferente formanan di abuso di mucha .
Kico e mucha lo siña:
-E formanan di abuso di mucha: abuso físico, abuso verbal, abuso emocional, abuso sexual, testigo di violencia domestico, negligencia emocional y fisico
-Tocante abuso sexual di mucha online/ pornografía infantil
-Ken por bira victima di abuso di mucha
-Ken ta comete abuso (sexual)
-Kico ta e consecuencianan di abuso & negligencia di mucha
-Unda pa acudi pa ayudo
Duracion: 45 minuut
Disponibilidad: henter aña
‘Sexting & social media’ ta un presentacion pa hobennan di 12 aña tocante e practica di ‘sexting’ y e posibel consecuencianan.’
Kico e mucha lo siña:
-E tiponan di medionan social y plataformanan social
-Uzo di internet
– Tocante sexting y e riesgonan
-Tocante abuso y acoso sexual digital (incluyendo informacion tocante pornografia infantil)
-Tocante (cyber)bullying
-Tocante proceso di online grooming
-Tips pa uza internet & medionan social na un manera mas sigur
Duracion: 45-60 minuut
Disponibilidad: henter aña
‘Loverboys & grooming’ ta un presentacion tocante traficacion humano pa hobennan di 12 aña bay ariba.
Kico e mucha lo siña:
-Ken ta un ‘loverboy’ of ‘lovergirl’ (pimps)
-E fasenan di proceso di ‘grooming’ di un ‘loverboy’
-Con pa reconoce un loverboy
-Informacion tocante esclavitud moderno
-Unda pa acudi pa ayudo
Duracion: 45 minuut
Disponibilidad: henter aña
Sexualisacion di mucha: influencia di media’ ta un presentacion pa muchanan di 12 aña bay ariba tocante con media por sexualisa nos muchanan por media di canticanan, peliculanan & social media.
Kico e mucha lo siña:
-Tocante con musica, peliculanan y otro tipo di entretenimentonan (incluyendo pornografia) lo por tin influencia ariba nan comportacion
-Tocante sexualisacion di hende muhe vs. hende homber den media
-Tocante cultura machismo den un sociedad y kico esaki ta nifica pa mucha muhenan
-Tocante con sexualisacion lo por conduci na abuso
Duracion: 45-60 minuut
Disponibilidad: despues di september 2021
Adulto
Durante e presentacion aki mayornan, cuidadonan, voogd, y tur adulto cu tin interes den e topico aki, lo haya mas informacion tocante kico ta negligencia di mucha y kico e consecuencianan ta ora un mucha ta wordo neglisha.
Kico bo persona lo siña:
-Tocante necesidadnan di un mucha
-Tocante e formanan di negligecia fisico
-Tocante e formanan di negligencia emocional
-Tocante e consecuencia di negligencia ariba un mucha
-Tocante instancianan releciona cu e topico di negligencia di mucha
-Tocante instancianan c uta brinda sosten y guia na mayor
Duracion: 45-60 minuut
Disponibilidad: henter aña
‘Abuso sexual di mucha’ ta un presentacion pa mayornan, cuidadonan, voogd y tur adulto cu tin interes pa e topico aki. Durante e presentacion lo brinda informacion extenso di e forma aki di abuso.
Kico bo persona lo siña:
-Tocante e formanan di abuso sexual di menor
-Tocante abuso sexual digital
-Tocante e diferencia entre abuso y acoso sexual di menor
-Tocante prevencion di abuso sexual di menor
-Tocante instancianan relaciona cu e topico di abuso sexual di menor
Duracion: 45-60 minuut
Disponibilidad: henter aña
Muchanan ta haciendo mas uzo di tecnología. Como adulto nos tin un responsabilidad pa brinda guia y salvaguardia e seguridad online di nos muchanan.
Kico bo persona lo siña:
-Tocante con musica, peliculanan y otro tipo di entretenimentonan (incluyendo pornografia) lo por tin influencia ariba nan comportacion
-Tocante sexualisacion di hende muhe vs. hende homber den media
-Tocante cultura machismo den un sociedad y kico esaki ta nifica pa mucha muhenan
-Tocante con sexualisacion lo por conduci na abuso
-Tocante bo rol como mayor pa loke ta trata uzo di media
-Tocante instancianan relevante caminda bo lo por acudi pa sosten y guia
Duracion: 45-60 minuut
Disponibilidad: despues di september 2021
Durante e presentacion aki lo brinda informacion tocante loverboys y traficacion humano. E presentacion aki ta specialmente pa mayornan, cuidadonan y voogd di hobennan entre 12-18 aña.
Kico bo persona lo siña:
-Ken ta un ‘loverboy’ of ‘lovergirl’ (pimps)
-E difererencia entre un ‘loverboy’ y un ‘sugar daddy’
-E fasenan di proceso di ‘grooming’ di un ‘loverboy’
-Con pa reconoce un loverboy (señalnan)
-Ken por bira victima di un ‘loverboy’
-Informacion tocante esclavitud moderno
-Bo rol como mayor den brinda guia y conseho
-Unda pa acudi pa ayudo
Duracion: 45-60 minuut
Disponibilidad: despues di september 2021
Profesionalnan
Profesionalnan cu ta traha cu mucha ta personanan crucial pa señala abuso y/of negligencia di mucha na tempo y actua ariba nan sospechonan pa contribui na e bienestar y seguridad di nos muchanan. Como un adulto di confiansa abo por salvaguardia un mucha. Nos curso ‘Señala abuso & negligencia di mucha’ bo lo siña con pa reconoce señalnan cu por indica cu e mucha ta pasando den abuso y/of negligencia. Den e curso ‘Señala abuso & negligencia di mucha’ profesionalnan cu traha cu mucha lo siña con pa reconce señalnan di abuso y con pa actúa ariba nan sospechonan.
Kico abo como profesional lo siña:
-Kico ta e formanan di abuso & negligencia di mucha
-Con pa reconoce señalnan físico di abuso di mucha
-Con pa reconoce señalnan di abuso na e comportacion di un mucha
-Factornan (familiar) cu por contribui na abuso
-Factornan protectivo pa preveni abuso & negligencia di mucha
-Informacion extenso di abuso sexual, comportacion sexual inapropia
-Informacion tocante proceso di grooming
-Consecuencianan di abuso & negligencia di mucha
-Con pa anda cu disclosure
-Informacion tocante Codigo di Proteccion
-Informacion tocante instancianan cu ta traha ariba tereno di abuso & negligencia di mucha
-Metodonan preventivo pa abuso & negligencia di mucha
Duracion: 2x 4 ora (240 minuut pa dia)
Disponibilidad: henter aña (por favor haci reservacion dos siman prome)
Abuso sexual di menor’ ta un presentacion pa profesionalnan di sector educativo y social. Durante e presentacion aki profesionalnan lo haya mas informacion tocante abuso sexual di menor (0-18 aña) y herment cu lo por wordo uza na pia di trabou.
Kico abo como profesional lo siña:
-E diferente formanan di abuso sexual
-E consecuencianan di abuso sexual
-Tocante prevencion di abuso sexual
-Tocante instancianan relevante pa e topico di abuso sexual
Duracion: 120 minuut
Disponibilidad: henter aña
E tayer ‘Comportacion sexual preocupante’ a wordo desaroya specialmente pa profesionalnan cu ta traha cu muchanan entre 2 pa 6 aña. Muchanan di peuter y kleuter ta den pleno desaroyo. Durante e fase di desaroyo di peuter y kleuter, profesionalnan lo por por observa comportacion sexual cu ta normal y cu no ta normal of sano. Durante e tayer aki bo lo siña mas tocante comportacion sexual preocupante.
Atencion! Nos ta recomenda pa sigui tayer di educacion sexual di Fundacion Pa Nos Muchanan prome cu sigui e tayer ‘Comportacion sexual preocupante’.
Kico abo como profesional lo siña:
-Kico ta desaroyo sexual
-Tocante comportacion sexual cu no ta apropia p’e edad y fase di desaroyo di mucha
-Tocante abuso sexual di menor
-Tocante tips pa ‘safe play’ y con abo como profesional por promove esaki na bo trabou
-Tocante instancianan cu ta traha cu e topico aki
Duracion:
Disponibilidad: obtenibel despues di september 2021
