Kico ta abuso di mucha?
Un mucha merece di crece den un ambiente sigur. Mescos cu un mata mester di awa pa crece, muchanan tambe mester di amor y guia pa crece. Ken ta un mucha? Segun tratado internacional di derecho di mucha, un persona ta un mucha te ora cu e haci 18 aña.
Kico ta pasa si un mucha no ta crece cu amor ni guia na cas?
Si tin pregunta tocante e señalnan di abuso di mucha of si ta desea di ricibi e workshop ‘Con pa Reconoce Señalnan di Abuso di Mucha’, por tuma contacto cu Fundacion Respeta Mi na 582-4433
Mundialmente tin muchanan cu ta pasa den abuso. Aki na Aruba tambe tin mucha cu por experencia abuso. Cua ta formanan di abuso di mucha?
Señalnan Fisico
Tur daño cu ta wordo haci na e curpa di un mucha (suta, scop, morde, ranca cabey, etc.)
Tur daño y maltrato cu ta wordo haci na un mucha pa medio di palabra (yama mucha pa nomber, menasa, tenta, critica, rechasa, etc.)
Tur forma di actividadnan sexual y mishimento inapropia cu un mucha no por duna permiso pa haci (rape, mishi cu parti intimo, obliga pa wak pornografia, manda mensahe of potret inapropia, etc.)
Ora un mucha ta mira of scucha violencia den su cas (wak mayornan pleita, wak maltrato di un ruman of un hende grandi, wak maltrato di mascota, etc.)
Ora un mayor of cuidado ta faya pa cumpli cu e necesidadnan fisico y emocional di un mucha (no ta duna suficiente cuminda, no ta tira bista ariba e mucha, mucha no ta wordo hiba dokter ora cu e ta malo, mayornan/ cuidadonan ta uza alcohol y droga cerca di e mucha, mucha no ta wordo apoya, mucha no ta haya amor, etc.)
Bo mester un hende pa scucha bo?
Nos tur mester papia cu un persona di confiansa ora nos ta sinti insigur, rabia, miedo, tristo, etc. Bo a papia cu un adulto di confiansa caba? Esaki por ta un mayor, un maestro/mentor, un famia, un coach, un trahado social.
Si bo no tin un adulto di confiansa tuma contacto cu 131 Telefon Pa Hubentud.
Pa cualkier informacion tocante abuso y negligencia di mucha tuma contacto cu Fundacion Respeta Mi. Yama 582-4433 of manda nos un app na 564-0270. Por uza e formulario di contacto tambe.
